Binəqədi rayonunda neft şirkətinin ərazisində inşa edilmiş evlərin sökülməsinə dair 1000-dən artıq məhkəmə qərarı var. Lent.az-ın məlumatına görə, bu barədə Binəqədi rayon İcra Hakimiyyətinin başçısı Xaləddin İsgəndərov bu gün rayonda 2014-cü ilin yekunlarına həsr edilmiş yığıncaqda bildirib. İcra başçısı qeyd edib ki, sökülməsinə qərar verilən həmin evlərin əksəriyyəti 2006-2007-ci illərdə verilən sənədlər əsasında inşa edilib. Xatırladaq ki, Binəqədi rayonu ərazisinin 51 %-i ARDNŞ-nə məxsusdur.Həmin torpaqlar müvafiq qurum tərəfindən 2005-ci ildən uzunmüddətli sazişlə Binəqədi Oyl şirkətinə icarə verilmışdir. Adı çəkilən qurum neft buruqları və mühafizə zolağına düşən qanunsuz tikililərin sökülməsinə dair məhkəmə qarşısında iddia qaldırmışdır. Məhkəmənin bununla bağlı 1000-ə yaxın qərarı var. Lakin həmin ərazidə məskunlaşan vətəndaşların yerləşdirilməsi məsələsi nizamlanana qədər qanunsuz tikililərin sökülməsinə dair məhkəmə qərarlarının icrası təxirə salınıb.  

 Azərbaycan Respublikasının vətəndaşı Emin Hüseynov barəsində Azərbaycan Respublikasının Baş Prokurorluğu tərəfindən Cinayət Məcəlləsinin 192.2.2 (qanunsuz sahibkarlıq), 213.2.2 (vergi ödəməkdən yayınma) və 308.2-ci maddələrində nəzərdə tutulan ittiham elan olunmaqla, 19 avqust 2014-cü il tarixdə məhkəmənin qərarı ilə həbs qətimkan tədbiri seçilərək axtarış elan edilib.

APA-nın məlumatına görə, bunu barəsində cinayət işi açılmış Emin Hüseynovun İsveçrə Konfederasiyasının Azərbaycan Respublikasındakı səfirliyində gizlənməsi məsələsi ilə əlaqədar Xarici İşlər Nazirliyinin mətbuat xidmətinin rəhbəri Hikmət Hacıyev bildirib.

H. Hacıyev deyib ki, məhkəmə qərarı əsasında aparılmış araşdırmalar nəticəsində Emin Hüseynovun “Reportyorların Azadlıq və Təhlükəsizlik İnstitutu” ictimai birliyinin sədri kimi qeydiyyata alınmayan qrant müqavilələri üzrə qanunsuz sahibkarlıq fəaliyyətini həyata keçirərək 1 575 956 manat məbləğində külli miqdarda gəlir əldə etdiyi və dövlət büdcəsinə ödənilməli olan 247 551 manat məbləğində xeyli miqdarda vergiləri ödəməkdən yayınmaqda əsaslı şübhələr müəyyən edilib.

“7 iyul 2014-cü il tarixindən etibarən Emin Hüseynov dəfələrlə ünvanına çağırış vərəqələri göndərilməklə istintaqa dəvət edilsə də, qaçaraq İsveçrə Konfederasiyasının Azərbaycan ... ardı »

Vətəndaşları aldadaraq külli miqdarda pul ələ keçirən daha bir şirkət rəhbərliyinə cinayət işi açıldı 

Vətəndaşları aldadan şirkət təsisçilərinə dələduzluq maddəsi ilə cinayət işi başlanıb. Daxili İşlər Nazirliyindən Lent.az-a verilən məlumata görə, «Tağıyev LTD» Məhdud Məsuliyyətli Cəmiyyətin təsisçiləri Pərvanə Tağıyeva və Ülkər Sanılı vətəndaşların etibarından sui-istifadə edərək, işə düzəltmək adı ilə onlara qarşı dələduzluq edib və müxtəlif məbləğdə pullarını sonuncunun «Access» bankdakı hesabına köçürtdürməklə həmin vəsaitləri ələ keçiriblər.

Onların hər ikisi şübhəli şəxs qismində cəlb edilməklə barələrində həbs qətimkan tədbiri seçilib.

İstintaq-əməliyyat tədbirləri ilə Ülkər Sanılının cari ilin ötən dövründə 22 nəfər Ağcabədi rayon sakininin etimadını qazanaraq onların 20.000 manata yaxın pullarını mənimsəməsi də sübuta yetirilib.

Vətəndaşların nəzərinə çatdırırıq ki, cinayət işi üzrə ibtidai araşdırma Nazirlikdə davam etdiriləcək və bununla bağlı zərərçəkmiş şəxslərdən Baş İstintaq və Təhqiqat İdarəsinə müraciət etmələri xahiş olunur.