Prezident İlham Əliyev oktyabrın 7-də Böyük Britaniya Baş nazirinin ticarət üzrə səfiri, Lordlar palatasının üzvü Lord Risbinin başçılıq etdiyi nümayəndə heyətini qəbul edib. Lent.az-ın məlumatına görə, görüşdə Azərbaycan ilə Böyük Britaniya arasında ikitərəfli əlaqələrin səviyyəsindən məmnunluq ifadə olunub, bu əlaqələrin genişləndiyi və yaxşı perspektivlərinin olduğu vurğulanıb. Söhbət zamanı ölkələrimiz arasında münasibətlərin möhkəmləndirilməsində parlamentlərarası əməkdaşlığın önəmi qeyd olunub, qarşılıqlı maraq doğuran bir sıra məsələlər ətrafında fikir mübadiləsi aparılıb.
Oktyabrın 6-da “Yeni Üfüq “ Mənəvi İrsin Təbliği İctimai Birliyinin gəncləri Qurban bayramı münasibətilə “Hər ay bir gün” adlı növbəti aksiyanı Şəhidlər və 2-ci Fəxri Xiyabanda həyata keçirib.Birliyin sədri Sevinc ƏzimbəylininLent.az-a verdiyi məlumata görə, il boyunca “Yeni Üfüq”ün gəncləri məmləkətimizin qəhrəman şəhid övladlarının xatirəsini əziz tutaraq, “Hər ay bir gün” adlı aksiyasını davam etdirməkdədir: “Əsas hədəfimiz ölkəmizdə milli-mənəvi dəyərlərimizin, vətənpərvərlik hisslərinin gənclərimiz arasında yüksəltməkdən ibarətdir. Bu gün də gənc “Yeni Üfüq”çülər mübarək bayram günündə müqəddəs Şəhidlərimizi ziyarət edərək onların məzarları üzərində, eləcə də ətrafda geniş təmizlik işlərini həyata keçiriblər.”Sevinc Əzimbəylinin sözlərinə görə, əsas məqsəd ölkəmizdə milli-vətənpərvərlik duyğularının gənclər arasında yüksəlişinə nail olmaq və şəhid doğmalarına cəmiyyətin biganə qalmadığını nümayiş etdirməkdir.
Bakıda “VAZ” markalı maşın yanıb. Lent.az-ın Fövqəladə Hallar Nazirliyinin saytına istinadən məlumatına görə, Nərimanov rayonunda vətəndaşa məxsus "VAZ" markalı minik avtomobilinin mühərrik hissəsi yanıb. Avtomobilin qalan hissəsi yanğından mühafizə olunub.
Bakıda zəncirvari qəza baş verib. APA-nın məlumatına görə, Binəqədi rayonunda 6 maşının toqquşması və 2 nəfərinin ağır yaralanması ilə nəticələnən zəncirvari yol-nəqliyyat hadisəsi baş verib. Sürücüsü məlum olmayan “Mercedes” markalı avtomobil Mir Cəlal Paşayev küçəsi ilə üzü avtovağzal istiqamətində yüksək sürətlə hərəkətdə olarkən qəfil idarəetməni itirib. Sürücü avtomobili əvvəlcə qarşısında hərəkətdə olan “Daewoo Damas”-a çırpıb. Hər iki avtomobil yoldakı arakəsməni aşaraq yolun əks istiqamətinə düşüb. Qəzaya səbəb olan "Mercedes" daha sonra yol kənarında dayanan başqa bir "Mercedes"ə, o da eyni markalı başqa 2 "Mercedes"ə çırpılıb. Zərbə güclü olduğundan "Mitsubishi" yə dəyən " Daewoo "un sürücüsü ön şüşədən çıxaraq təqribən 10 metr kənara düşüb. "Mitsubishi"nin sürücüsü isə, ağır vəziyyətdə ətrafdakıların köməyi ilə maşından çıxarılıb. Hər iki yaralı ağır vəziyyətdə 1 saylı şəhər klinik xəstəxanasına aparılıb. Qəzanın baş verdiyi əraziyə Binəqədi Rayon Polis idarəsinin əməkdaşları gəliblər. Qəzanı törədən sürücü polis idarəsinə, yarar
... ardı »
Azərbaycanın şimal bölgəsinin bəzi ərazilərində qar yağır. APA-nın şimal bürosunun verdiyi məlumata görə, Quba rayonunun Xınalıq kəndində qarın hündürlüyü artıq 10 santimetrdir. Rayonun Qırız kəndində, eləcə də Qusarın Ləzə kəndində qarın hündürlüyü 2 sm-ə çatıb. Hazırda bu ərazilərdə yağıntı davam edir.