Tokiodakı məsciddə girovlara görə dualar oxunub  “The Associated Press”in Tokiodan verdiyi xəbərdə deyilir ki, yanvarın 23-də paytaxtın ən böyük məsçidində İŞİD tərəfindən girov götürülmüş Yaponiya vətəndaşlarının xilası naminə müsəlmanlar dua ediblər. Bəllidir ki, İŞİD onların azad olunması üçün 200 milyon dollar tələb edir. Və bu anlaşma üşün ayrılmış 72 saatlıq vaxt bitmək üzrədir.  47 yaşlı Kenji Qoto və 42 yaşlı Haruana Yukavanın həyatı tükdən asılıdır. Yaponiyanın Baş naziri Şinzo Abe elə bu səbəbdən də xeyli narahat görünür.  “Vəziyyət gərgin olaraq qalır, ancaq biz mümkün olan hər şeyi etməyə çalışırıq. Yapon vətəndaşlarını xilas etmək üçün bütün imkanlar nəzərdən keçirilir. Biz hətta yerli tayfaların rəhbərləri ilə də danışıqlar aparırıq. Məqsədimiz vətəndaşlarımızı girov götürənlərə birbaşa çıxış əldə etməkdir”, Yaponiya hökumətindən Suqa deyib. Buna baxmayaraq, hələ də İŞİD-lə birbaşa əlaqə əldə olunmayıb.  Yaponiya xarici işlər nazirinin müavini Yasuhida Nakayama hazırda İordaniyanın paytaxtı Ammandadır. O, deyib: “Məqsədimiz odur ki, girovların əmin şəkildə azadlığa qovuşmasına nail olaq”. “Yaponiyada olan bütün müsəlmanlar adından deyə bilərəm ki, bizim istəyimiz odur ki, onlar mümkün qədər tez azad olunsun”, Türkiyədən olan işçi Sandar Basara deyib. Kenji Qotonun anası ürəkparçalayan müraciətdə bulunub: “Zaman axıb gedir. Mən Yaponiya hökumətindən xahiş edirəm, oğlumun həyatını xilas edin”. Qotonun anası İşido deyib ki, gəlinimdən öyrəndim ki, oğlumun uşağı dünyaya gələndən 2 həftə sonra o, Suriyaya gedib. O, öz dostu Haruana Yukavanı xilas etmək üçün belə bir addım atıb.  Ana bildirib ki, oğlumun hökumət üçün yaratdığı bütün narahatlıqlara görə üzr istəyir.  Agentlik yazır ki, Yaponiya girovlara görə öz üzərinə xərc ödəməmək öhdəliyi götürüb. 7 ölkə, o cümlədən ABŞ, Böyük Britaniya həmin kluba qoşulub və terrorçulara girovlara görə pul ödəmirlər.  Ko Nakata İslam qanunu üzrə ekspertdir, Kyoto Doşişa Unversitetinin professorudur. Kousuke Tsuneoke isə müstəqil jurnalistdir. Onların hər ikisi islamı qəbul edib. Onlar bəyan ediblər ki, İslam Dövləti ilə əlaqə yarada biliblər və oraya getməyə hazırlaşırlar. Elbəyi Həsənli, musavat.com