Главная » 2015 » yanvar » 9 » Bakıda 2 nəfərin öldüyü dəhşətli hadisədənSARSIDICI GÖRÜNTÜLƏR
00:42
Bakıda 2 nəfərin öldüyü dəhşətli hadisədənSARSIDICI GÖRÜNTÜLƏR
Hadisə magistral yolda baş verib
Bu gün Qaradağda dəhşətli qəzaya düşən avtomobilin görüntüləri yayılıb.Lent.az-ın əldə etdiyi görüntülər olayın dəhşətini əks etdirir.
Ürəyi zəif olanların baxmağı məsləhət deyil.
Qeyd edək ki, Lent.az dəhşətli qəza ilə bağlı ətraflı məlumat əldə edib. Məlumatda bildirilir ki, bu gün saat 09:12-də Qaradağ rayonu Lökbatan qəsəbəsində yol-nəqliyyat qəzasının baş verib və vətəndaşların köməyə ehtiyacı olması barədə daxil olmuş əməliyyat məlumatına əsasən Qaradağ rayonu Lökbatan üzrə xilasedicilər qrupu hadisə yerinə çıxıb. Hadisə yerinə baxış keçirilərkən məlum olub ki, 1965-ci il təvəllüdlü Cabbarov Yasin Çərkəz oğlunun idarə etdiyi Daewo Nexia markalı 25-BV-270 dövlət nömrə nişanlı minik avtomobili dəmir çəpərlərə çırpılaraq və ağır deformasiyaya uğrayıb. Nəticədə sürücü sıxılmış vəziyyətdə qalmış və çıxmaq iqtidarında olmayıb. Xüsusi Riskli Xilasetmə Xidmətinin xilasediciləri təhlükəsizlik qaydalarına riayət etməklə xüsusi xilasetmə alət və avadanlıqlar vasitəsilə sürücünü çıxardıb, hadisə yerinə çağırılmış Təcili Tibbi Yardım Stansiyasının əməkdaşlarına təhvil verərək xilas olunmasını təmin ediblər.
Hadisə şahidlərinin bildirdiklərinə əsasən avtomobildə xəsarət almış 2 kişi sərnişin vətəndaşlar tərəfindən çıxarılaraq hadisə yerinə çağırılmış Təcili Tibbi Yardım stansiyasının əməkdaşları tərəfindən xəstəxanaya aparılıb. Deformasiya uğramış avtomobildə aldığı xəsarətlər nəticəsində 2 sərnişin (bir kişi və bir qadın) hadisə yerində keçinib. Xilasedicilər xüsusi alət və avadanlıqlardan istifadə edərək avtomobildən cəsədləri çıxardaraq Hüquq Mühafizə orqanları əməkdaşlarına təhvil verilib.
*****
12:01
Fövqəladə Hallar Nazirliyinin Bakıda baş vermiş dəhşətli qəza ilə bağlı məlumat yayıb.Lent.az-ın nazirliyin saytına istinadən verdiyi məlumata görə, “112” qaynar telefon xəttinə Qaradağ rayonu ərazisində “Daewo” markalı minik avtomobili dəmir çəpərlərə çırpılaraq deformasiyaya uğraması ilə bağlı məlumat daxil olub. Nəticədə avtomobilin sürücüsü, Cabbarov Yasin Çərkəz oğlu avtomobildə sıxılmış vəziyyətdə qalıb. Xilasedicilər sürücünü xilas edərək aidiyyəti üzrə təhvil verib. Deformasiyaya uğramış avtomobildə sıxılmış vəziyyətdə qalmış 2 nəfərin cəsədi isə avtomobildən çıxarılaraq aidiyyəti üzrə təhvil verilib. Əməliyyat saat 09:35-də başa çatıb.
Qaradağ Rayon Polis İdarəsindən APA-ya verilən məlumata görə, Bakı-Salyan yolunda baş verən qəzada Yasəmən Talıb qızı Sadıqova və Altay Elman oğlu Sadıqov ölüb.
*****
10:41
Bakıda ağır yol qəzası baş verib. APA-nın məlumatına görə, hadisə Bakı-Salyan yolunun Qaradağ rayonu ərazisindən keçən hissəsində qeydə alınıb.
“Daewoo” markalı minik maşını yoldan çıxaraq dəmir arakəsmələrə çırpılıb. Nəticədə iki nəfər ölüb, daha iki nəfər xəsarət alıb. Ölənlərin və yaralananların adları hələlik məlum deyil.
Hadisə yerinə polis əməkdaşları çıxıb.