Главная » 2015 » yanvar » 3 » Elnur Cəfərov: “Yaponlarla oyunda vuruşub, qələbə qazanmaq lazımdı”
12:05
Elnur Cəfərov: “Yaponlarla oyunda vuruşub, qələbə qazanmaq lazımdı”
“Yaponiya ötən ilin çempionudu. Bu il isə 1997-ci il təvəllüdlü uşaqları gəlib. Rəqiblə vuruşub, qələbə qazanmaq lazımdı”. Futbolxeber.az saytının Sankt-Peterburqa ezam olunmuş əməkdaşına verdiyi açıqlamada bu sözləri U-19 millimizin üzvü Elnur Cəfərov deyib.“Xəzər Lənkəran”ın futbolçusu Valentin Qranatkinin xatirəsinə həsr olunmuş turnirin ilk turunda Yaponiyaya qarşı keçiriləcək oyun haqda danışıb. Cəfərov qələbəyə oynayacaqlarını bildirib: “Bu gün oyunöncəsi son məşqimizi etdik, meydan ağır idi. Həm də üstü örtülüdü deyə, nəfəs almaq çətindi. Hər halda biz qələbə üçün oynayacağıq. Baş məşqçimizin tapşırığına əsasən ötürmələrə daha çox üstünlük veririk”.Elnur Cəfərov yarışın qalibi olacaqlarını da istisna etməyib: “Çemponluğa da oynamaq olar. Bu komanda ilə çempionluğa oynamağımız mümkündür. Komandamızın üzvləri təcrübə toplamış oyunçulardı. Komandada əhval-ruhiyyə baxımından hər şey qaydasındadı”.