Главная » 2021 » aprel » 14 » Füzuli rayonunda çoxlarının şöhrətini qazanan Səməd Səmədov haqqında
00:31
Füzuli rayonunda çoxlarının şöhrətini qazanan Səməd Səmədov haqqında
Səməd Misir oğlu Səmədov 1924-cü ildə Füzuli rayonunun Mirzənağılı kəndində anadan olmuşdur. Soyadı ilə adının eyni olması atası Misir Həsənov onunda öz atası Səmədin adına uyğun olaraq qoymuşdur. Səməd orta təhsilini başa vurmamış, onu müharibəyə aparmışdılar. 1943-ci ilin noyabr ayından 1950-ci ilin oktyabr ayına qədər Sərhəd Qoşunlarında xidmət etmişdir. Bu müddətdə o dəfələrlə orden və medallarla təltif olunmuşdur. Komandir vəzifəsində işləmiş, göstərdiyi işlərinə görə neçə dəfə məzuniyyət verilmişdir. Böyük Vətən müharibəsi ərəfəsində Səməd müharibədə iştrak edir, və Böyük Vətən müharibəsi veteranı adına layiq görülür. Xidmətdən döndükdən sonra gəlib universitet oxuyur və rus dili müəllimi olur. Bir neçə vaxt Əhmədalılar kənd tam orta məktəbində müəllim işlədikdən sonra Horadiz şəhəri 1 nömrəli tam orta məktəbində direktor vəzifəsində çalışır. Burada çalışan zaman Azərbaycan Sovet Sosialist Respublikası tərəfindən müəllimlik əməyinə görə əməkdar müəllim adına layiq görülür. Və həmçinində Azərbaycan SSR qabaqcıl xadim adına da layiq görülür. 1993-cü il avqustun 29-u Füzuli rayonu Ermənistan Silahlı Qüvvələri tərəfindən işğal edildikdən sonra, Səməd Səmədov ailəsi ilə, Qaradağ rayonu Lökbatan qəsəbəsində məskunlaşırlar. Lökbatan qəsəbəsində yerləşən bir neçə məktəbdə müəllimlik edir. 1993-cü ildə Neftçi Qurban adına 288 nömrəli məktəbdə rus dili müəllimi kimi işə düzəlir. 1 ay keçməmiş məktəbdə böyük hörmətə malik olur. Nümunəvi müəllim, dediyi dərsin keyfiyyəti, insanpərvər, qayğıkeş və s. kimi bir insan kimi tanınır. Qaçqınçılıq dönəmindən sonra ən xoşbəxt illəri elə bu məktəbdə keçmişdir. 1995-ci il oktyabrın 14-ü Səməd bu məktəbdə 70 illik yubileyini qeyd edir. Onun ad günü noyabrın 14-üdür. Ancaq məktəbin direktoru 1 ay öncəyə çəkilməsini istəmişdi. Elə həmin gün məktəbin direktoru Səməd Səmədovu direktor müavini vəzifəsinə təyin edir. Səməd bu işdə naşı deyildi, saçını, saqqalını vəzifədə ağartmışdı. Məktəbdə 5 direktor müavini var idi, 2-cisi Səməd idi. O, hansı vəzifədə işləmişdi, o işin öhdəsindən layiqincə gəlmişdir. İşlədiyi kollektivdə, kollektivin hörmətini qazanmışdır. İşində tələbkat, ciddi və işlədiyi adamlarla dil tapıb onlarla işləməyi bacaran adam idi. O hələ direktor işlədiyi vaxtlarda onun məktəbi nümunəvi məktəb olmuşdur. Təhsil Nazirliyindən gələn nümayəndələri Səməd müəllimin məktəbinə göndərirdilər. Həmin nümayəndələr məktəbdə nizam-intizama, səliqə-səhmana, qayda-qanuna diqqət yetirib, məktəbin işi ilə maraqlanıb hər bir sənətin öz qaydasında olduğunu yoxlayıb direktorun işindən razı qalmışdılar. Füzuli rayonunda onun iş təcrübəsini yaymış və məktəb direktorları onu öz işlərində tətbiq etmişlər. Səmədin iş planını təkcə Füzuli rayonunda deyil qonşu rayonlarda aparıb onlarda həmin plan üzrə işləmişdirlər. Ona qabaqcıl maarif xadimi, baş müəllim adı vermişdilər. Həmçinində Azərbaycan məktəbi jurnalında onun haqqında dəfələrlə məqalələr yazılmışdır. Məktəbdə 47 ibtidai sinif var idi. Bu işi Səmədə tapşırmışdılar. Onun arzusu 75 illik yubileyini qeyd etmək idi, amma qismət olmadı. 2000-ci il oktyabrın 14-ü Horadiz şəhərində vəfat edir. 15 oktyabr Əhmədalılar kənd qəbiristanlığında torpağa tapşırılır.
