Главная » 2014 » noyabr » 4 » Daxili İşlər Nazirliyində növbəti kadr dəyişikləri -YENİLƏNİB
15:36
Daxili İşlər Nazirliyində növbəti kadr dəyişikləri -YENİLƏNİB
Bakı şəhər Baş Polis İdarəsinin rəisi vəzifədən azad edilib
Daxili işlər orqanlarında kadr dəyişikliyi həyata keçirilib.
APA-nın məlumatına görə, daxili işlər naziri, general-polkovnik Ramil Usubovun imzaladığı müvafiq əmrlə Bakı Şəhər Baş Polis İdarəsinin rəisi, polis general-mayoru Rafiq Abbasov tutduğu vəzifədən azad edilərək Daxili İşlər Nazirliyinin Kadrlar İdarəsinin rəisi vəzifəsinə təyinat alıb.
Bundan başqa, Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin rəisi, polis general-mayoru Mirqafar Seyidov tutduğu vəzifədən azad edilərək Bakı Şəhər Baş Polis İdarəsinin rəisi təyin edilib.
Nəsimi Rayon Polis İdarəsinin rəisi Musa Musayev isə tutduğu vəzifədən azad edilərək, Baş Mütəşəkkil Cinayətkarlığa Qarşı Mübarizə İdarəsinin rəisi təyin olunub.
Quba Rayon Polis Şöbəsinin rəisi Seyfulla Əzimov isə Nəsimi rayon Polis İdarəsinin rəisi vəzifəsinə təyinat alıb.
Nizami Rayon Polis İdarəsinin 24-cü polis bölməsinin rəisi Lətif Cahangirov isə tutduğu vəzifədən çıxarılaraq Qaradağ Rayon Polis İdarəsinin 11-ci polis bölməsinə rəis göndərilib.
Məlumatı DİN-in mətbuat xidməti ilə dəqiqləşdirmək mümkün olmayıb.
Qeyd edək ki, təyinat barədə ilk xəbəri “Qafqazinfo” yayıb.
******
13:55
Daxili işlər naziri Ramil Usubovun əmri ilə Bakı şəhər Baş Polis İdarəsinin rəisi general–mayor Rafiq Abbasov vəzifəsindən azad edilib.
Lent.az-ın məlumatına görə, bu barədə qafqazinfo-ya DİN-dən informasiya daxil olub. Məlumata görə, nazirin digər əmri ilə R. Abbasov Mütəşəkkil Cinayətkarlığa Qarşı Mübarizə İdarəsinə (bandotdel) rəis təyin olunub.
R. Usubov Bakı polisinin yeni rəisi vəzifəsinə "bandotdel"in rəisi general-mayor Mirqafar Seyidovu təyin edib.
Qeyd edək ki, R. Abbasov Milli Məclisin vitse-spikeri Ziyafət Əsgərovun bacanağıdır.
