Prezident İlham Əliyev oktyabrın 7-də Böyük Britaniya Baş nazirinin ticarət üzrə səfiri, Lordlar palatasının üzvü Lord Risbinin başçılıq etdiyi nümayəndə heyətini qəbul edib. Lent.az-ın məlumatına görə, görüşdə Azərbaycan ilə Böyük Britaniya arasında ikitərəfli əlaqələrin səviyyəsindən məmnunluq ifadə olunub, bu əlaqələrin genişləndiyi və yaxşı perspektivlərinin olduğu vurğulanıb.
Söhbət zamanı ölkələrimiz arasında münasibətlərin möhkəmləndirilməsində parlamentlərarası əməkdaşlığın önəmi qeyd olunub, qarşılıqlı maraq doğuran bir sıra məsələlər ətrafında fikir mübadiləsi aparılıb.
Oktyabrın 1-dən etibarən Gənclərin III Ümumrespublika Teatr Festivalına qeydiyyat başlayıb. Lent.az-ın məlumatına görə, festivala ssenari seçimi və rejissor, aktyor heyətinin formalaşdırılması üçün iştirak blankı əldə etmək istəyənlər info@asa.edu.az elektron ünvanına müraciət edə bilər, (070) 3993639, (012) 4304367 telefonların ilə əlaqə saxlaya bilərlər. Qeydiyyat bir ay davam edəcək.
Yerlər məhduddur! Yalnız 12 komanda (tərkibində maksimum 10 iştirakçı ola bilər) iştirak üçün təsdiq ediləcək. I yerin qalibinə 3000 manat, II yerin qalibinə 2000 manat, III yerin qalibinə isə 1000 manat pul mükafatı veriləcək.
Qeyd edək ki, Gənclərin Ümumrespublika Teatr Festivalına 2 il ərzində 250-ə yaxın istedadlı, yaradıcı gənc qoşulub. Festivalın keçirilməsinin əsas məqsədi gənclərdə teatra olan marağı artırmaq, istedadlı gəncləri teatra cəlb etməkdir. Festivalın ideya müəllifi millət vəkili Jalə Əliyevadır. Festival çərçivəsində iştirakçılar möhtəşəm ART – kampında iştirak edəcək, ölkənin ən tanınmış incəsənət və mədəniyyət xadimlərinin ustad dərsləri alacaqlar.
Şəki deyərkən, ilk növbədə bu rayonun nümayəndələrinin danışıq tərzi yada düşür.
Bu bölgənin sakinlərinin ləhcəsi kimi gözəl ləhcəyə siz başqa heç bir yerdə rast
gəlməyəcəksiniz. Nə haqqında danışmalarından asılı olmayaraq,
danışdıqları hər şey çox xoş və həlim səslənir.
Beləliklə, qısaca olaraq Şəki haqqında
Şəki rayonunun inzibati mərkəzi - Azərbaycanın ən qədim şəhərlərindən olan
Şəki şəhəri - Böyük Qafqaz sıra dağlarının mənzərəli cənub yamaclarının qarlı
zirvələri fonunda yerləşir. Şəkini haqlı olaraq respublikanın memarlıq qoruğu
adlandırırlar.
(Məlumat wHYPERLINK "http://www.azerbaijan.travel/"ww.azerbaijan.travel
veb səhifəsindən götürülüb)
İngiltərə çempionatında dünən keçirilən “Çelsi” – “Arsenal” qarşılaşmasında dava düşüb.Lent.az-ın məlumatına görə, hər iki klubun baş məşqçisi Venger və Mourinyo arasında xoşagəlməz mübahisə düşüb.
Belə ki, oyunun 21-ci dəqiqəsində zadəgan klubunun oyunçusu Qari Kehil arsenallı futbolçu Aleksis Sançezə qarşı kobud oynayıb. Həmin anda hakimə etirazı bildirən Venger və Mourinyo arasında insident baş verib.
Arsenalın baş məşqçisi Venger “Çelsi”li həmkarı Mourinyonun yanına gələrək sinəsindən itələyib. Hakimlərin işə qarışmasından sonra insidentin böyüməsinin qarşısı alınıb.
Qeyd edək ki, “Çelsi”- “Arsenal” matçı birincilərin 2:0 hesabı ilə qalibiyyəti ilə başa çatıb
Azərbaycan millisi daha bir itki ilə üzləşib. Lent.az-ın AFFA-nın saytına istinadən məlumatına görə, “Qəbələ”nin üzvü Ruslan Əmircanov zədəli olduğu üçün AVRO-2016-nın seçmə mərhələsinin İtaliya və Xorvatiya ilə oyunlarında komandamıza kömək edə bilməyəcək.
Bundan əvvəldə “Qəbələ”nin üzvü Ruslan Abışovda zədə ucbatından milli komandanın heyətindən uzaqlaşdırılıb.
Qeyd edək ki, Azərbaycan milli komandası oktyabrın 10-da İtaliya ilə, 3 gün sonra isə Xorvatiya yığması ilə qarşılaşacaq.
Prezident İlham Əliyev Rusiya Federasiyasının Prezidenti Vladimir Putini ad günü münasibətilə təbrik edib, ona prezidentlik fəaliyyətində yeni-yeni uğurlar və möhkəm cansağlığı arzulayıb.
Rusiya Federasiyasının Prezidenti göstərilən diqqətə və təbrikə görə Prezident İlham Əliyevə minnətdarlığını bildirib.
Dövlət başçıları ölkələrimiz arasında ikitərəfli münasibətlərin bütün sahələrdə uğurla inkişaf etdiyini vurğulayıb, yüksək səviyyədə görüşlərin əməkdaşlığımızın genişləndirilməsi baxımından önəmini qeyd edib, əlaqələrimizin bundan sonra da möhkəmlənəcəyinə əminliklərini bildiriblər.
Bakıda məhkum xəstəlikdən ölüb. APA-nın məlumatına görə, hadisə Ədliyyə Nazirliyi Penitensiar Xidmətinin Müalicə Müəssisəsində qeydə alınıb. Cinayət Məcəlləsinin 234-cü (narkotik vasitələrin qanunsuz dövriyyəsi) maddəsi ilə təqsirləndirilərək 3 il müddətinə azadlıqdan məhrum edilən, 1980-cı il təvəllüdlü Sabir Quliyev müalicə aldığı müəssisədə dünyasını dəyişib.Nizami Rayon Prokurorluğundan APA-ya məhkumun ölüm faktını təsdiqləyiblər.Faktla bağlı araşdırma aparılır.
Türkiyə milli komandasının heyətindən 6 futbolçu çıxarılıb.Lent.az-ın Türkiyə Futbol Federasiyasının saytına istinadən məlumatına görə, AVRO-2016-nın seçmə mərhələsi çərçivəsində Çexiya və Latviya ilə keçirəcəyi oyunlar öncəsi əsas heyətdən 6 futbolçu zədəsi ucbatından komandan uzaqlaşdırılıb.Millinin heyətində zədəli Ömər Toprak, Hakan Çalhanoğlun, Volkan Dəmirəl, Burak Yılmaz, Mustafa Pektemek və Kaan Ayhan qarşıdan gələn oyunlarda komandalarına kömək edə bilməyəcək.Əvəzlərində baş məşqçi Fatih Terim Mert Günoku , Adem Büyükü, Muhammet Demiri yığmaya dəvət edib.
C. Cabbarlı adına “Azərbaycanfilm” kinostudiası yeni film çəkilir. Kinostudiayadan Lent.az-a verilən məlumata görə, Mədəniyyət və Turizm Nzirliyinin sifarişi ilə “İçəri Şəhər” adlı tammetrajlı bədii filmin istehsalına başlayıb. Psixoloji dram janrında olacaq filmin quruluşçu rejissoru İlqar Safat, ssenari müəllifləri Təhminə R. Cəbrayıl və İlqar Safat, quruluşçu operatoru Luca Coassin (İtaliya), quruluşçu rəssamı Bütünay Haqverdiyev, icraçı prodüseri Ülvi Qasımov, prodüseri Müşfiq Hətəmovdur. Hazırlıq dövründə olan film gənc qızın Qarabağ müharibəsi veteranına olan sevgisindən bəhs edir.
Çində küçədə oynayan uşaqlara bıçaqla hücum edilib. Lent.az-ın Rusiya mətbuatına istinadən məlumatına görə, hadisə Henan əyalətində baş verib. Hücum nəticəsində 4 uşaq boyun nahiyəsindən bıçaq xəsarəti alıb. Həyatı təhlükəsi olmasa da, yaralılardan 2-nin vəziyyəti ağırdır. Azyaşlıları al-qana bulayan şəxsi yoldan keçənlər tutub polisə təhvil veriblər. Faktla bağlı cinayət işi açılıb. Hücum edənin kimliyi və hadisəni törətmə səbəbləri araşdırılır. Qeyd edək ki, bu hadisə Çində ilk deyil. Bir ay əvvəl də psixoloji problemləri olan bir nəfər Quansi-Cuansk rayonunda bıçaqla azyaşlılara hücum etmişdi. Hücum nəticəsində 3 uşaq ölmüşdü.
