Главная » 2014 » dekabr » 3 » Qazax güləşinin banisi Kamal Əhmədovun 80 illik yubileyi keçirilib
23:45
Qazax güləşinin banisi Kamal Əhmədovun 80 illik yubileyi keçirilib
Qazaxda yerləşən Ədəbiyyat Muzeyində respublika dərəcəli hakim, prezident təqaüdçüsü Qazax güləşinin banisi Kamal Əhmədovun 80 illik yubileyi keçirilib. Yubiley tədbirində çıxış edənlər onun keçdiyi şərəfli və çətin ömür yolundan söhbət açıb, idmançı ilə bağlı xatirələrini danışıblar. SSRİ idman ustası, respublikanın əməkdar məşqçisi, respublika dərəcəli hakim, qırmızı əmək bayrağı ordenli Kamal Əhmədov Qazaxın Yuxarı Salahlı kəndində anadan olub. Bildirilib ki, o, əmək fəaliyyətinin yarıdan çoxunu idmanın inkişafına və kütləviliyinin artırılmasına həsr edib. Qazaxda güləşin təməlini qoyan yubilyarın yetirmələri müxtəlif idman arenalarında bayrağımızı dəfələrlə yüksəklərə qaldırıblar.
