Главная » 2014 » dekabr » 3 » Robert Prosineçki rəsmən Azərbaycan yığmasında
18:42
Robert Prosineçki rəsmən Azərbaycan yığmasında
Onun 6 köməkçisi olacaq
Bu gün AFFA-nın İcraiyyə Komitəsinin növbəti iclası keçirilib. Apasport.az saytının məlumatına görə, assosiasiyanın inzibati binasında baş tutan tədbirin əsas mövzusu millilərin baş məşqçilərinin təsdiqlənməsi olub.
İcraiyyə Komitəsi Robert Prosineçkini baş məşqçi postuna təsdiqləyib. 45 yaşlı xorvatiyalı mütəxəssis bu postda almaniyalı Berti Foqtsu əvəzləyib. Artıq İcraiyyə Komitəsinin iclasına qatılan Prosineçki 3 il millimizdə çalışacaq.
Yeni baş məşqçinin 6 köməkçisi olacaq ki, onlardan üçü xorvatiyalı, üçü isə azərbaycanlı olacaq. Yığma məşqçilərinin ümumilikdə illik maaşı 1,2 milyon avro oıacaq.
Komitə 21 yaşadək futbolçulardan ibarət yığma ilə bağlı yekun qərar verə bilməyib. Baş məşqçi postuna əcnəbi gətirəcək qurum 10 namizəd arasında seçim etməlidir.
Məşqçilər Komitəsinin yaradılmasının, Əsasnaməsinin və üzvlərinin təsdiqləndiyi yığıncaqda yeni yaranan quruma rəhbər də seçilib. Bu vəzifəyə millinin sabiq baş məşqçisi Vaqif Sadıqov təyin olunub.
Klublar Komitəsinin yaradılması və Əsasnaməsi də bugünkü iclasda təsdiqlənib. Bundan başqa isə Lisenziyalaşdırma qrupunun məlumatı dinlənilib.
