Главная » 2014 » dekabr » 5 » Xəyali ölkənin diplomatı Türkiyədə həbs olundu - ŞOK
21:20
Xəyali ölkənin diplomatı Türkiyədə həbs olundu - ŞOK
Türkiyədə çox maraqlı hadisə baş verib. Yeni Lemurya Respublikası adından hazırladığı diplomatik pasportla tutulan Ahmet Çatalkaya adlı şəxs məhkəmədə olmayan ölkəsi adına Türkiyəyə nota verib.
Vətəninfo.az xəbər verir ki, Çatalkaya 3 dpostu ilə birlikdə Songhrati Thaumaturgy Respublikası deyə xəyali bir ölkənin nümayəndəliyini açmaq üçün Xarici İşlər Nazirliyinə müraciət edib.
Ahmet Çatalkaya Xarici İşlər Nazirliyinə müraciət edərək “Demokratik və Konstitusiyon Songhrati Thaumaturgy Respublikası” adlı bir dövlətin fəxri konsulları olduğunu söyləyərək Türkiyədə bu dövlətin nümayəndəliyini açmaq istədiyini bildirib.
O, müraciətndə qeyd edib ki, adalardan ibarət olan bu “dövlət” 2003-cü ildə Malaziyada müstəqilliyini elan edib. Özünü bu dövlətin İstanbuldakı fəxri konsulu kimi təqdim edən Çatalkaya dövlət adına ticarət, iqtisadiyyat və mədəniyyət ofisi açmaq istədiklərini bildirib.
Saxta diplomat qeyd edib ki, Songhrati Thaumaturgy Respublikasının prezidenti Keith Mackenzie Mcocsci də əslən Türk kökənlidi.
Nümayəndəlik üçün rəsmi müraciət etdikdən sonra XİN-ə zəng edən “diplomat” Baş Qərargah, MİT, DİN və digər qurumalarla da görüşdüyünü və onlardan razılıq aldığını iddia edib.
Sənədləri araşdıran XİN əməkdaşları şoka düşüb. Məlum olub ki, yer üzündə ümumiyyətlə belə bir dövlət yoxdu və heç vaxt da olmayıb. Sənəddə göstərilən ünvanın İspaniyaya, faks və telefon nömrələrinin Almaniya və İngiltərəyə, nümayəndəlik üçün göstərilən ünvanın isə İstanbulda bir turizm şirkətinə aid olduğu məlum olub.
Bu sübutlar üzrə XİN həmin şəxslərdən Respublika Prokurorluğuna şiokayət edib. Saxlanılan “4 diplomat”dan 3-ü sərbəst buraxılsa da, “Fəxri konsul” haqqında cinayət işi başlanılıb. Aparılan araşdırmalar zamanı məlum olub ki, Ahmet Çatalkaya 2011-ci ildə “Yeni Lemurya Respublikası” adına saxta pasportla həbs edildiyi məlum olub.
Hakim qarşısına çıxarılan “diplomat” ittihamları əssasız hesab edərək adı çəkilən dövlətin İraq səfirliyinə təyin edildiuyini göstərən sənədlər təqdim edib. Özünü müdafiə edən Ahmet Çatalkaya Vyana Konvensiyasını əsas gətirərək Yeni Lemurya Respublikasının Türkiyəyə nota verdiyini iddia edib. Məhkəmənin sorğusuna əsasən XİN belə dir dövlətin olmadığı bildirilib.
Çatalkaya sənəd saxtalaşdırmaqda ittiham olunaraq 2 il azadlıqdan məhrum edilib.