Oktyabrın 31-də saat 11.37 radələrində Bakıda yerləşən “Sazz” internet şirkətinə partlayıcı qoyulması barədə məlumat daxil olub. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, şirkətdən DİN-in "102  Zəng Mərkəzi"nə Nəsimi rayonu ərazisində yerləşən Baş Ofisə zəng etmiş naməlum şəxsin “İdarəyə bomba qoyulub, qaçın” deyərək dəstəyi asması barədə müraciət edilib. Dərhal müvafiq tədbirlər görülüb və məlumat təsdiqini tapmayıb. Araşdırma zamanı yalan məlumatın Neftçala rayon sakini, 13 yaşlı B.A tərəfindən verilməsi müəyyən edilib.

Sürücü hadisə yerində keçinib  Bakıda ölümlə nəticələnən ağır yol qəzası baş verib. Lent.az-ın məlumatına görə, Aeroport şosesinin Suraxanı rayonu ərazisindən keçən hissəsində 1960-cı il təvəllüdlü Məhərrəmov Vahid Xəlfəli oğlunun idarə etdiyi "Renault Sandero" markalı, 90 AF 704 nömrə nişanlı minik avtomobili "Ford" markalı yük maşınına çırpılıb. Nəticədə sürücü aldığı ağır bədən xəsarətlərindən hadisə yerində keçinib.   Faktla bağlı Suraxanı RPİ-də cinayət işi açılıb, araşdırmalar aparılır.

Onlardan biri mühasirəni yararaq sağ qalıb  Əsir və itkin düşmüş, girov götürülmüş vətəndaşlarla əlaqədar Dövlət Komissiyası İşçi qrupu tərəfindən 2013-cü il ərzində keçirilmiş axtarış-araşdırma tədbirləri nəticəsində Komissiyada itkin düşmüş şəxs kimi qeydiyyata alınmış şəxslərdən 25 nəfərin taleyinə aydınlıq gətirilib. Komissiyadan APA-ya verilən məlumata görə, taleyinə aydınlıq gətirilən 25 nəfərin adları itkinlərin siyahısından çıxarılıb. Həmin şəxslərdən 1 nəfərin döyüşlərdən və mühasirələrdən sağ çıxdığı, 5 nəfərin döyüşlərdə həlak olduğu, meyitlərinin tanınaraq dəfn edildiyi, 19 nəfərin isə siyahılardan təkrar keçdiyi müəyyən edilib. Beləliklə, 1 noyabr 2014-cü il tarixinə əsir, itkin düşmüş və girov götürülmüş şəxslərin sayı 4016 nəfər təşkil edib. Onlardan 3256 nəfər hərbçi, 758 nəfər mülki şəxslərdir. 2 nəfərin hərbçi və ya mülki olduğu məlum deyil. Mülki şəxslərdən 59 nəfəri itkin düşərkən yetkinlik yaşına çatmamış uşaq (17 nəfər azyaşlı qız), 254 nəfər qadın, 351 nəfər yaşlı şəxsdir (154 nəfər qadın). Əsir, itkin düşmüş 4016 nəfərdən 877 nəfərin əsir və girov götürülməsi barədə məlumatlar daxil olub, şahid ifadələri alınıb. Münaqişə müddətində 1419 nəfər əsir və girovluqdan azad edilib. Onlardan 347 nəfər qadın, 1072 nəfər kişidir. Eyni zamanda 207 nəfər uşaq (73 nəfər azyaşlı qız), 287 nəfər yaşlı şəxsdir (110 nəfər yaşlı qadın). Dövlət Komissiyasına daxil olmuş materialların təhlili zamanı 554 nəfərin əsir və girovluqda qətlə yetirildiyi və ya müxtəlif s ... ardı »

Daxili İşlər Nazirliyinin Baş Kadrlar İdarəsinin rəisi İsmət Əliyev nazir müavini təyin olunub  Azərbaycanın daxili işlər naziri Ramil Usubovun müavini vəzifəsindən azad olunub. Lent.az-ın məlumatına görə, hüquq-mühafizə orqanlarından Trend-ə bildiriblər ki, daxili işlər nazirinin müavini, polis general-leytenantı Əsgər Ələkbərov təqaüdə göndərilib. Onun yerinə Daxili İşlər Nazirliyinin Baş Kadrlar İdarəsinin rəisi İsmət Əliyev təyin olunub. Qeyd edək ki, Ə.Ələkbərov 2001-ci ildən R.Usubovun müavini idi.

Polislər gözdən əlil şəxsi xilas edib  Bakı metrosunda həyəcanlı anlar yaşanıb. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, oktyabrın 31-də metronun Əhmədli stansiyasında Bakı şəhər sakini, I qrup gözdən əlil Ramiz İsmayılov ehtiyatsızlığı nəticəsində qatar xəttinə yıxılıb.     O, polis əməkdaşları tərəfindən xilas edilib.

Yaralının həyatını xilas etmək mümkün olmayıb  Abşeron rayonunda qətl hadisəsi törədilib. Lent.az-ın məlumatına görə, noyabrın 1-nə keçən gecə Abşeron rayonunun Hökməli kəndində Fəqani Şükürov evinin yaxınlığında aralarında baş vermiş münaqişə zəminində ov tüfəngindən atəş açaraq 25-30 yaşlı kişiyə xəsarət yetirib. F.Şükürov daha sonra həmin şəxsi yaralı vəziyyətdə idarə etdiyi “VAZ-2121” markalı avtomobildə Kliniki Tibbi Mərkəzə aparıb. Həkimlərin səyinə baxmayaraq yaralının həyatını xilas etmək mümkün olmayıb. F.Şükürov könüllü olaraq Abşeron RPŞ-yə gələrək təslim olub. O, hadisəni törədərkən istifadə etdiyi müvafiq sənədləri olan “Etro” markalı ov tüfəngini təhvil verib.