Deyerler.org: "Google" şirkəti tərəfindən daha bir yenilik edildi.  "Google" şirkətinin bu günə qədər öz istifadəçiləri üçün təqdim etdiyi "Gmail xidmətinin alternativi olaraq, "Inbox" e-mail adressini öz istifadəçilərinə təqdim edib. "Google" şirkətindən verilən rəsmi açıqlamaya görə, "Inbox" xidməti "Gmail"-in yerini tutmasada gələcəkdə bu ximətin də nüfuz qazanacağı praqnozlaşdırılıb.  Xidmətin "Android" və "iOS" əməliyyat sistemlərinə tətbiq ediləcəyini bildirən "Google" şirkəti, gələcəkdə "Windows" əməliyyat sisteminə də bu xidmətin tətbiqinə başlanacaq. Təcrübə üçün hələlik, dəvətlə istifadəçi qəbul edən "Google" şirkəti gələcəkdə bu ximətin də "Gmail" kimi kütləvi istifadəsinə verəcək. (deyerler.org)

"Ebola virusu" ilə bağlı Həcc ziyarətindən qayıdan zəvvarlardan ilk müraciət daxil olub.   Belə ki, dünən Həcc ziyarətindən qayıdan zəvvarlardan biri Ebola virusuna qarşı müayinədən keçmək üçün Respublika Taun Əleyhinə Stansiyaya müraciət edib. Səhiyyə Nazirliyinin Respublika Taun Əleyhinə Stansiyasının direktor müavini Şair Qurbanov APA-ya açıqlamasında deyib ki, Sumqayıt sakini olan həmin şəxs öncə “Qaynar xətt”lə əlaqə saxlayıb, sonradan isə birbaşa onunla danışıb. Onun sözlərinə görə, zəvvar "Ebola virusu" təhlükəsi barədə eşitdiyini və bununla bağlı müayinədən keçmək istədiyini bildirib: “Ona məlumat verildi ki, həmin şəxs yerli poliklinikaya müraciət edərək 21 gün ərzində nəzarətdə saxlanılmalıdır. Əgər səhhətində heç bir dəyişiklik olmasa, təhlükə yoxdur. Həm də deyildi ki, temperatur olsa da, həyəcan keçirməsin ki, bu, virusa yoluxmadır. Çünki qış vaxtıdır, ona görə soyuqdəymə və temperatur ola bilər. Belə hallar olarsa, hər ehtimala qarşı həkimə müraciət edilməlidir”.   Ş.Qurbanov qeyd edib ki, müraciət edən zəvvarın heç bir narahatlığı olmayıb, sadəcə ziyarətdən gəldikdən sonra müayinə olunmaq istəyib: “Həcc ziyarətindən gələn zəvvarlardan da müayinədən keçmək istəyənlər ərazi üzrə poliklinikalara müraciət etməlidir. Hansısa hal dəyişikliyi, müəyyən əlamətlər olarsa, müayinə olunacaqlar. Bu xəstəliyin maksimal inqubasiya dövrü 21 gündür. Mikrob onun bədənində ola bilər, ancaq əlamətləri çıxmaz. Virus bədəndə varsa, 21 gün ərzində mütləq özünü göstərəcək”.

O, 7 yaşlı qızın olduğu otağa soxulub və azyaşlını zorlayıb  Bu gün Bakı Ağır Cinayətlər Məhkəməsində azyaşlının zorlamaqda təqsirli bilinən 1956-cı il təvəllüdlü Yaşar Yusifovun cinayət işi üzrə məhkəmə prosesi başlayıb. Lent.az-ın məlumatına görə, hakim Novruz Kərimovun sədrliyi ilə keçirilən prosesdə təqsirləndirilən şəxsin cinayət işi üzrə məhkəmənin hazırlıq iclası keçirilib. Məhkəmə baxışı oktyabrın 27-nə təyin olunub.   Qeyd edək ki, bu ilin iyunun 14-də saat 01:00 radələrində paytaxtın Binəqədi rayonunda kirayədə yaşayan 1956-cı il təvəllüdlü Yusifov Yaşar Bəhlul oğlu sərxoş vəziyyətdə yaşadığı evin həyətində kirayədə yaşayan Lalə Cəfərovanın (ad və soyad şərtidir) evinə daxil olub. 58 yaşlı kişi Lalə Cəfərovanın 2007-ci il təvəllüdlü qızı Leylanın (ad şərtidir) evdə köməksiz vəziyyətdə tək olmasından istifadə edərək ona xəsarətlə müşayiət olunan zor tətbiq edib. O, daha sonra 7 yaşlı qızla cinsi əlaqədə olub. Yaşar Yusifov Cinayət Məcəlləsinin 149.3.3-cü (zorlama, təqsirkar şəxs üçün aşkar surətdə on dörd yaşına çatmayan şəxs barəsində törədildikdə) maddəsi ilə ittiham edilir.

Sabunçu Rayon  Polis İdarəsindən APA-ya verilən məlumata görə, hadisə bu gün Maştağa qəsəbəsində, Savalan yeni yaşayış massivində “Göl” deyilən ərazidə qeydə alınıb. Bakı şəhər sakinləri, 1996-cı il təvəllüdlü Asim Etibar oğlu Bünyatov və 1994-cü il təvəllüdlü  Yarəli Ağadadaş oğlu Dadaşov aralarında yaranan münaqişə zəminində  1992-ci il təvəllüdlü Röyal Müzəffər oğlu Nəcəfova çoxsaylı bıçaq zərbələri yetirərək qətlə yetiriblər. Hadisəni törədən şəxslər tutulub. Faktla bağlı Sabunçu Rayon Prokurorluğunda Cinayət Məcəlləsinin 120.1 (qəsdən adam öldürmə) maddəsi ilə cinayət işi alıb, araşdırma aparılır.