Nəzarət kamerasının yaddaş kartını da götürüb ərazidən uzaqlaşıblar
Bakıda axtarışda olan şəxslər saxlanılıb. Bakı şəhər Baş Polis İdarəsindənLent.az-a verilən məlumata görə, Nərimanov RPİ Cinayət Axtarış Şöbəsi və 17-ci Polis Bölməsi əməkdaşlarının keçirdikləri əməliyyat-axtarış tədbirləri nəticəsində, quldurluqda şübhəli bilinən Yevlax rayon sakinləri – Rəhman Məmmədov, Muxtar Rəhimov və Cəbrayıl rayon sakini Samir Yadigarov tutulub. Məlum olub ki, onlar aprelin 30-da Z.Bünyadov prospekti 2096-cı məhəllədə yerləşən mebel mağazasına aldatma yolu ilə daxil olub, gözətçinin əlini və ağzını skotçla bağlayıb, mağazanın müdirin iş otağının qapısını sındıraraq, oradan içərisində 20000 manat olan seyfi, kompüteri və salondakı nəzarət kamera sisteminin yaddaş kartını götürüb “Mersedes” markalı avtomobillə hadisə yerindən uzaqlaşıblar.
Eldəniz Quliyev 480 saat müddətində ictimai işlərə cəlb olunacaq
Nəsimi Rayon Məhkəməsində daxili işlər naziri Ramil Usubovun Ziyalılar Birliyinin sədri, kinorejissor Eldəniz Quliyevlə bağlı xüsusi ittiham qaydasında şikayəti əsasında məhkəmə prosesi başa çatıb.
APA-nın məlumatına görə, prosesdə məhkəmənin qərarı elan olunub.
Məhkəmənin qərarı ilə E. Quliyev 480 saat müddətində ictimai işlərə cəlb olunmalı və 1000 manat cərimələnməlidir.
Onun haqqında başqa yerə getməmə haqda qərar hökm qanuni qüvvəyə minənə qədər qüvvəndə saxlanılıb.
Qeyd edək ki, Eldəniz Quliyev bir müddət əvvəl mətbuatda və sosial şəbəkələrdə daxili işlər naziri Ramil Usubova müraciət ünvanlayıb. Bundan sonra R.Usubov Nəsimi Rayon Məhkəməsinə müraciət edib. Məhkəmə Eldəniz Quliyevin 147.1 (təhqir) və 148-ci (böhtan) maddələri ilə cinayət məsuliyyətinə cəlb olunması barədə Ramil Usubov tərəfindən verilən xüsusi ittiham qaydasında şikayəti icraata qəbul edilib.
Aşura mərasimləri noyabrın 4-də keçiriləcək
Qafqaz Müsəlmanları İdarəsi (QMİ) Aşura günü qanvermə aksiyası keçiriləcək məscidlərin siyahısını açıqlayıb.
QMİ-nin mətbuat xidmətindənAPA - ya verilən məlumata görə, noyabrın 4-də Aşura günündə qanvermə aksiyası keçiriləcək məscid və ziyarətgahlar aşağıdakılardır:
1.Yasamal rayonu “Təzə-pir” məscidi
2. Yasamal rayonu “Hacı Soltanəli” məscidi
3. Nəsimi rayonu Əjdərbəy məscidi
4. Səbail rayonu “Bibi-Heybət” məscidi
5.Səbail rayonu İçərişəhər cümə məscidi
6.Suraxanı rayonu Qaraçuxur məscidi
7.Xəzər rayonu “Mir Mövsüm ağa” məscidi
8.Nizami rayonu Keşlə qəsəbə məscidi
9.Sumqayıt şəhər “Cümə” məscidi
10.Gəncə şəhər “İmamzadə” məscidi
11.Mingəçevir şəhər “Heydər” məscidi
12.Şəki şəhər “Cümə” məscidi
13.Lənkəran şəhəri Böyükbazar məscidi
14.Bərdə şəhər “Cümə” məscidi